Wednesday, March 5, 2008

“ မိဘစကား တစ်ခွန်းထဲ နားထောင်” သို့မဟုတ် အာဏာရှင် ယဉ်ကျေးမှုရဲ့ မြစ်ဖျားခံရာ

ကလေးဘ၀ ငယ်ငယ်တုန်းက ကလေးတို့ရဲ့ ကိုးကွယ် အားထားရာဟာ လက်ဦးဆရာ မိဘ ၂ပါး၊ ဘိုးဘွား ပြီးရင် ဆရာသမားပါ။ ကလေးတစ်ယောက်ရဲ့ ခံစားချက်၊ စိတ်ဓာတ်လေးရဲ့ လုံခြုံ နွေးထွေးမှု၊ ပျော်ရွှင်မှု၊ ကြောက်ရွံ့မှု စသည်တို့ရဲ့ ဆုံမှတ် မြစ်ဖျားခံရာဟာ မိဘများပဲ ဖြစ်ပါတယ်။ ဒီလိုပဲ .. ကလေးရဲ့ စဉ်းစား ဆင်ခြင် တတ်တဲ့ ဉာဏ်ကို ဘောင်ကန့် ချုပ်ချယ် လိုက်တာဟာ မိဘတို့ တနည်း ပြောရရင် ကလေးရဲ့ အားကိုး ရာကြီး ဖြစ်တဲ့ ခံစားချက် ဆုံမှတ်ကြီးက ပြောထွက်ရက် လိုက်တဲ့ အမိန့် ဆိုတဲ့ စကားကြီးပါပဲ။ ကိုယ့်ကလေးကို ထွန်းတောက်စေချင်လို့ တိုးတက်စေချင်လို့ ဆိုတဲ့ စကားတွေကို သေချာ ဓာတ်ခွဲ ကြည့် လိုက်ရင် မေတ္တာ၊ စေတနာနဲ့ ငါဂုဏ်ယူဖို့ ဆိုတဲ့ အတ္တ ဘယ်သင်းက ပိုများသလဲ ဆိုတာ သေချာ ကိုယ့်စိတ် ကို မိဘများ ကိုယ်တိုင် ဓာတ်ခွဲ ကြည့်ဖူး ပါသလား။ အာဏာရူးနေတဲ့ လူတချို့ သူများအပေါ် အာဏာ မလွှမ်း နိုင်သမျှ ကိုယ်မွေးထားတဲ့ အပြစ်ကင်းတဲ့ ဘာမှ မသိ နားမလည် သေးရှာတဲ့ ကလေး တွေကို မာန်မဲ ကြိမ်းမောင်း ဟန်ရေး ပြရင်း အာဏာပြ နေတာဟာ မိဘ မေတ္တာ ဟုတ်ပါ့မလား။ အဲဒါကိုရော ဂုဏ်ယူ သင့်ပါ သလား။
မိဘနဲ့ သားသမီးကြားက ချစ်မေတ္တာဟာ တကယ်တော့ မိဘနဲ့သားသမီးကြားက ဆက်ဆံရေး ပြေပြစ် နွေး ထွေး စေတဲ့ အဓိက သော့ချက်ပါ။ ကိုယ်ချစ် တဲ့သူ စိတ်ချမ်းသာအောင် ငဲ့ညှာ ထောက်ထား တာဟာ ဆက်ဆံ ရေး ပြေလည်စေတဲ့ အဓိက အကြောင်း ဖြစ်ပါတယ်။ ပွင့်လင်းနွေးထွေးတဲ့ အပြန်အလှန် လေးစားမှု ကလဲ မိဘနဲ့ သားသမီးကြား ဆက်ဆံရေးကို ပိုမို ရင်းနှီး စေပါတယ်။ ဒါပေမယ့် မိဘက မေတ္တာထက် အတ္တ လွန်ကဲ နေတဲ့ စိတ်စေတနာ တွေနဲ့ သားသမီးကို အတင်းအကြပ် ပုံသွင်း နိုင်တယ် လို့ တလွဲ ဂုဏ်ယူ နေသမျှ သားသမီး လဲ စိတ်တင်းကြပ် ဖိစီးမှု များလာပြီး အမိန့် ဖီဆန်မှု ပုံစံ တမျိုး ဖြစ်တဲ့ ပြောစကား နားမထောင်ခြင်း နဲ့ ပြန်မပြော နားမထောင် ထင်ရာ လုပ်ခြင်း ဆိုတဲ့ ရလာဒ် ထွက်ပေါ် လာပါတယ်။ သက်ရောက်မှု တိုင်းမှာ တန်ပြန် သက် ရောက် မှု ရှိတယ်ဆိုတဲ့ သိပ္ပံ နိယာမ အတိုင်းပါပဲ။ အမိန့်ဆိုတာရဲ့ နောက်မှာ နာခံခြင်းနဲ့ ဖီဆန်ခြင်း ၂မျိုးပဲ ရှိပါတယ်။ ဒါပေမယ့် မေတ္တာ ဆိုတာရဲ့ နောက်မှာတော့ ငဲ့ညှာခြင်း၊ အပြန်အလှန် မေတ္တာ တုန့်ပြန်ခြင်း တို့ပဲ ရှိမှာ သေချာပါတယ်။ ဒီတော့ မိဘများ သားသမီးကို အမိန့် ပေးသင့် သလား၊ အာဏာပြပြီး အမိန့် ပေးသင့် သလား ချင့်ချိန် စရာပါ။ ငါ ကျွေးမွေး ထားလို့ ငါ့စကား တသဝေ မတိမ်း နားထောင် ရမယ် ဆိုရင် သားသမီးကို အိမ်မွေး ခွေး၊ ၀က်လောက်ပဲ သဘောထား သလို ဖြစ်နေ ပါလိမ့်မယ်။

ဒီနေရာမှာ သတိထားဖို့က မိဘ စကား တသဝေ မတိမ်း နားထောင်တာဟာ လိမ်မာတာလို့ လွဲမှားစွာ သတ်မှတ် ထားချက်ပဲ ဖြစ်ပါတယ်။ တကယ်တော့ အဲလို နားထောင်တဲ့ ကလေးမှာ ကိုယ်ပိုင်ဉာဏ်နဲ့ စဉ်းစား ဆင်ခြင် နိုင်စွမ်း၊ မိမိ စကားကို မိမိ တာဝန် ယူရန် သတ္တိ၊ ကိုယ့်ကိုယ်ကို ယုံကြည်မှု ရှိခြင်းတို့ ဘယ်လောက် တောင် နည်းပါး နေပြီလဲ ဆိုတာ မိဘများ သတိထားမိ ပါရဲ့လား။ မိဘ စကားကို ပြောတိုင်း လက်မခံခြင်း နဲ့ ပြန်လှန် ဆွေးနွေး ညှိနှိုင်းဖို့ တောင်းဆိုခြင်း ဆိုတဲ့ ရလာဒ် တစ်ခုဟာ တကယ်တော့ အဲဒီ သားသမီးရဲ့ မိမိ ကိုယ်ကို ယုံကြည်ခြင်း၊ လူတော တိုးရဲခြင်း၊ လူရာ ၀င်အောင် ကြိုးစား လိုခြင်း စတဲ့ တာဝန်ယူစိတ် ရှိတဲ့ လူကြီး တစ်ယောက် ဖြစ်ဖို့ အလားအလာ အပေါင်း လကဏာ များစွာကို ပြဆို နေတာ ဖြစ်ပါတယ်။ မိဘ စကားကို သားသမီးက ချက်ချင်း လက်မခံတာ မိဘရဲ့ ညံ့ဖျင်းမှု လို့ လွဲမှားစွာ သတ်မှတ် ထားတာဟာလဲ မိဘနဲ့ သားသမီးကြား ဝေးကွာမှုကို ပိုမို ဆိုးရွားစေတဲ့ အကြောင်း တစ်ရပ် ပဲ ဖြစ်ပါတယ်။ မိဘစကားကို ချက်ချင်း နားမထောင်တာဟာ သားဆိုး သမီးဆိုး ဖြစ်လို့လား အဲဒီ သားသမီးက ကိုယ်ပိုင် ဆင်ခြင် စဉ်းစား ဉာဏ်နဲ့ ပြည့်စုံ နိုင်ဖို့ ကြိုးစား နေလို့လား ဆိုတာလေး လူကြီးမိဘ များက တွေးပေး သင့်ပါတယ်။

မိဘ များကရော ငါ့သားသမီးဟာ တတွတ်တွတ် ပြောဆို ဆုံးမ စရာကို မလို လောက်အောင် သိတတ် လိမ်မာ ပြီး ပါးနပ်မှု ရှိတယ်လို့ ဂုဏ်ယူသင့် သလား။ အောင်မယ်လေး လိမ်မာ စေချင်လွန်းလို့ အာပေါက်အောင် ပြော ဆို ဆုံးမ နေရတယ်.. ငါ့စကားဆို ကလေးက တခွန်းတည်း တည်တာ ဆိုတဲ့ စကား.. ဘယ်စကားက ကိုယ့် သားသမီးကို ချီးမွမ်းရာ ရောက်ပြီး ဘယ်စကားက ကိုယ့်ကိုယ်ကို ရှေ့တန်းတင် ချီးမွမ်းရာ ရောက်သလဲ။ သားသမီး များက ခံစား နားလည် တတ်ပါတယ်။ ဘယ်စကားကို သားသမီး များက ကြားချင် မလဲ။ ဘယ်စကား ကို ကြားရင် အားတက်ပြီး ကိုယ့်အား ကိုယ်ကိုး ကြိုးစား ချင်စိတ် ပေါက်မလဲ။ ဘယ်စကားကို ကြားရင် လူတော တိုးရဲပြီး လူကြီးဆန် လာမလဲ။ ဘယ်စကားရဲ့ အောက်မှာ စိတ်ဓာတ်ရေးရာ အညွန့်ကျိုး သွားပြီး ကိုယ့်ကိုယ်ကို ယုံကြည်မှု နည်းသွား မလဲ။ မိဘများ စဉ်းစား မိကြ ပါရဲ့လား။

ဒီလိုရေးလို့ သားသမီး တိုင်းက မိဘထက် တလကြီးနေတယ်လို့ မထင်စေချင်ပါဘူးနော်။ မိဘ အများစုဟာ သားသမီး များထက် ဘ၀ အတွေ့ အကြုံ ပိုများနိုင် သလို သွေးအေးစွာ ဆုံးဖြတ်ချက် ချနိုင်မှုလဲ သာလွန်နိုင် ပါတယ်။ ဒါပေမယ့် ဒီ အားသာချက် တွေကြောင့် ငါပြောတဲ့ အတိုင်း လုပ် ဆိုတဲ့စကားဟာ သားသမီးရဲ့ တွေးခေါ် ဆင်ခြင် နိုင်စွမ်းအားကို ပိတ်ပင် တားဆီး လူညွန့် ချိုးလိုက်တာနဲ့ မတူ ဘူးလား။ ဒီလို ငါ့စကား နားထောင် ဆိုပြီး အမိန့် ချလိုက် တာထက် အကျိုးအကြောင်း ပြောပြ ဆွေးနွေး လမ်းညွှန် ညှိုနှိုင်း ပေးလိုက် တာဟာ သားသမီး အတွက် မိမိရဲ့ အတွေ့ အကြုံတွေကို ဆင့်ပွား မျှဝေ သွန်သင်ပြီး စဉ်းစား ဆင်ခြင်မှု လမ်းကြောင်း ဖွင့်ပေး လိုက်တာဟာ သားသမီးရဲ့ ဘ၀ ရှေ့ရေး အတွက် ပို ကောင်းမွန် မနေပေ ဘူးလား။

သို့သော် မြန်မာနိုင်ငံမှာ လက်ရှိ လူကြီး နေရာ ယူထားတဲ့ သူများ မက်မက် စက်စက် လိုက်နေတဲ့လမ်းကြောင်း ကတော့ တော်တော်ကို ရင်လေး စရာပါ။ မိဘ စကားကို နားမထောင်တဲ့ သားဆိုး သမီးဆိုးများကို နာမ်နှိမ် စေဖို့ ယတြာ ပါတဲ့။ ကြားဖူး ခါစက ကိုယ့်နားကို ကိုယ်တိုင် မယုံနိုင်ပါဘူး။ ဒါပေမယ့် ဘိုးစဉ် ဘောင်ဆက် နာမည်ကြီး ခဲ့တဲ့ ဗေဒင်ဆရာ အကျော်အမော် တစ်ယောက် ထုတ်ဝေ ရောင်းချတဲ့ ဗေဒင် စာအုပ်ထဲ ပါလာ တာကို မျက်စိနဲ့ တပ်အပ် မြင်လိုက် တော့မှ ပါးစပ် အဟောင်းသား ဖြစ်ရ ပါတယ်။ သူတပါးကို နာမ်နှိမ်တယ် ခိုက်အောင် လုပ်တယ် ကိုယ့်စကား အောင်မြင် လွှမ်းမိုးအောင် အစီအရင် လုပ်တယ် ဆိုတာ ကိုယ့် ပြိုင်ဘက် ရန်သူများ ကိုသာ လုပ်လေ့ ရှိတဲ့ ဓာတ်ရိုက် ဓာတ်ဆင် ယတြာ မျိုးပါ။ ဒါမျိုးကို အာဏာ ပြချင်ဇော နိုင်ချင် ဇောနဲ့ ကိုယ့် သားသမီး အပေါ်တောင် လုပ်ရက်တဲ့ မိဘ မျိုးကို မိဘ မေတ္တာ မြင့်မိုရ်တောင် ဆိုတာ ဘာလဲလို့ မေးချင် ပါတယ်။ ဒီယတြာ ကို လုပ်ဆောင် တဲ့အတွက် သားသမီး က မိဘ စကားကို နားထောင် မထောင်ဟာ မသေချာ လှပါဘူး။ သားသမီးရဲ့ ဘုန်းကံနဲ့လဲ ဆိုင်ပါသေးတယ်။ ဒါ့အပြင် သတိ ကြီးကြီး ထားစရာက ဘုန်း ကံ မြင့်မား သူကို ဒါမျိုး သွားလုပ် မိရင် တန်ပြန်ပြီး ပြုလုပ် စီရင်သူ ကိုယ်တိုင် ဒဏ် ပြန်ခံ ရတဲ့ အကြောင်းပါ။ မိဘက သားသမီးထက် ကံမြင့် ပြီးသားပဲ .. မိဘဆိုတာ အနန္တော အနန္တ ငါးပါး ဂိုဏ်းဝင်မို့ သားသမီးကို ဘာ လုပ်လုပ် မိဘမှာ အပြစ် မရှိဘူးလို့ တလွဲ မထင်လိုက် ပါနဲ့။ ဘုရားဟော ဇာတ်နိပါတ်ထဲမှာ သားရင်းကို ရာဂ မွှန်ထူ နေတဲ့ မိခင်က ပေါက်ဆိန်နဲ့ ပေါက်သတ်ဖို့ ကြိုးစား ရာမှာ သားရင်းက သတိ နဲ့ ပညာ ရှိတဲ့ အတွက် လွတ်သွား ပေမယ့် ကြိုးစားသူ မိခင်မှာ ရင်ကွဲပြီး ငရဲကို တိုက်ရိုက် ၇ရက် ကျခဲ့တဲ့ အဟော ရှိပါတယ်။ ကိုယ့် ဗိုက်က မွေးထုတ် လိုက်တိုင်း မွေးကျေးဇူး ရှိပေမယ့် ဘုရားနဲ့ တတန်းတည်း ထားရ လောက်တဲ့ ထားထိုက် လောက်တဲ့ ဂုဏ်ကျေးဇူး ရှိတယ်လို့ ကိုယ့်ကိုယ်ကို ခံယူရဲ လောက်တဲ့ အနေအထား ရှိအောင် နေမှ အနန္တော အနန္တ ငါးပါး ဂိုဏ်းဝင် တကယ် ဖြစ်နိုင်မှာကို သတိထားသင့် ပါတယ်။ ဒါပေမယ့် မိဘက သားသမီးကို နာမ် နိမ့်အောင် ပြောစကား တည်အောင် ဒီလို ယတြာ လုပ်မှန်း သားသမီးက အကြောင်း တစုံတရာကြောင့် ပြန်သိ ခဲ့ရင်တော့ ငါ့အပေါ် ဒီလို လုပ်ရက်တဲ့ မိဘ ငါ့မှာ ရှိနေ ပါလားလို့ ခံစား ၀မ်းနည်း နာကျည်းပြီး မိဘနဲ့ သား သမီး ကြား ဆက်ဆံရေး ပိုမို ဝေးကွာ စိမ်းကား သွားမှာတော့ အသေအချာ ပါပဲ။

ဘာကြောင့်မှန်း မသိ မြန်မာတွေ ရှေ့ခေတ်တွေကထက် ကမ္ဘာကို ပတ်ဝန်းကျင် နိုင်ငံများကို ဦးဆောင်နိုင်မှု မပြောနဲ့
ရင်ပေါင်တန်းနိုင်မှုပါ လျော့ကျပြီး နိုင်ငံလိုက်ကြီး တအား နောက်ကျ လာနေပါလားလို့ စဉ်းစား မိချိန်က စပြီး အဲဒီ ဘာကြောင့်ဆိုတာကို လေ့လာ စူးစမ်း လာလိုက်တာ နောက်ဆုံးကျ မိဘက ကိုယ့်နောက် မျိုးဆက် ဖြစ်တဲ့ သားသမီးကို အရည်အချင်း တိုးတက်အောင် ပညာ သင်ပေး တယ်လို့ အပေါ်ယံ အကြောင်းပြ ပြီး အရည်အချင်း တကယ် တိုးတက်ရာ ဖြစ်စေတဲ့ ကိုယ့်ကိုယ်ကို ယုံကြည် ကြိုးစားပြီး လူတော တိုးရဲ စေတဲ့ စိတ် ကို နည်းအမျိုးမျိုးနဲ့ ချိုးနှိမ် အာဏာပြ ခဲ့ကြလို့ စိတ်ထားတွေ အမြင်ကျယ် ကြီးမြတ်မှု လျော့နည်း လာခဲ့ ပြီး လူရည် လူသွေးတွေ တိုးတက်သင့် သလောက် မတိုးတက်ဘဲ ဖြစ်နေ ခဲ့တာလို့ တွေ့မြင် ခဲ့ပါတယ်။ အဲလို အရင် မျိုးဆက်က နောက်မျိုးဆက်ကို ကလေးတွေ ဆိုတဲ့ အတွေးနဲ့ ချိုးနှိမ် ခဲ့ကြတဲ့ အတွက် မျိုးဆက်ချင်း မတည့်ဘဲ မစည်းလုံး မညီညွတ် ကြတော့ဘဲ ရှေ့မျိုးဆက်ရဲ့ အတွေ့ အကြုံ ဗဟုသုတ၊ အမြင် အတွေးအခေါ် တွေကိုလဲ နောက်မျိုးဆက်က မရတော့ဘဲ အမြင် ကျဉ်းမြောင်းရင်း လူကြီးတွေရဲ့ ဖိနှိပ် ချိုးနှိမ်မှုကို ကိုယ်တိုင် ရဲ့ အသိစိတ်က မကြိုက် ပါဘဲလျက် မသိစိတ်က အဲဒါ ကိုပဲ သင်ယူပြီး သူတပါး ကိုလဲ ကိုယ်ချင်းစာစိတ် မထားနိုင် တော့ဘဲ လက်စားချေ ရန်လိုစိတ်နဲ့ ထွက်ပေါက်ရှာရင်း အချင်းချင်း ဖိနှိပ် အာဏာ လုရင်း ကမ္ဘာ့ အလယ်မှာ လူမျိုးစုလိုက် အောက်ကျ နောက်ကျ ဖြစ်ရ ပါတော့တယ်။

အဲဒီ အာဏာ ဆိုတဲ့ စကားကို ဘယ်လို လူစားတွေက ဘယ်လိုလူတွေ အပေါ် ဘယ်ခေတ်က သုံးခဲ့ တာပါလဲ။ မြတ်စွာဘုရားဟာ အတုမရှိ ပညာကြီးမား မြင့်မြတ်သူ ဖြစ်လျက် ဘယ်သူ့ အပေါ် အာဏာ ထားခဲ့ ပါသလဲ။ ငါ့စကား ဆိုပြီး တော့တောင် မျက်စိ မှိတ်ပြီး မယုံလိုက် ပါနဲ့ဦးတဲ့.. ကိုယ်ပိုင်ဉာဏ်နဲ့ စဉ်းစား ဝေဖန် သုံးသပ် လိုက်ပါဦးတဲ့.. အတု မရှိ စိတ်ထား ကြီးကျယ် မြင့်မြတ်လှ ပါပေတယ်။ အာဏာရှင် များနဲ့ လုံးဝကို ဆန့်ကျင် ဘက် ပါပဲ။ သူတပါးကို အုပ်ချုပ် ချင်သူတွေဟာ ဘယ်လို လူစားတွေ ဖြစ်ပါသလဲ။ အုပ်ချုပ် ခံချင်သူတွေ ဟာ ရော ဘယ်လို လူစားတွေ ဖြစ်ပါသလဲ။

မဟာ သမတ မင်းလက်ထက် လူသား တို့ကို အုပ်ချုပ်ဖို့ မင်းတစ်ပါး တင်မြှောက် ကြစို့လို့ တိုင်ပင် တဲ့အခါ အဲဒီခေတ် လူတွေဟာ လူသားချင်း အုပ်ချုပ် ယူရ လောက်အောင် လူတွေဟာ လူ့ဘောင် လောကမှာ ကိုယ့် ကိုယ် ကို ထိန်းကျောင်း ပဲ့ပြင်ရင်း ပတ်ဝန်းကျင်ကို မထိခိုက်အောင် မနေတတ် ကြတော့ဘူးလား.. အဲဒီ လောက် တောင် တရားမဲ့ ကုန်ကြ ပြီလား ဆိုပြီး သံဝေဂ ရကာ တောထွက် ကြပါသတဲ့။ ဒါဆို အာဏာရှင် ဖြစ်ချင်သူတွေ အာဏာ ပြချင်သူတွေဟာ ဘယ်လို လူတွေလဲ ဆိုတာ တချက်လောက် ကိုယ်တိုင် အေးအေး ဆေးဆေး စဉ်းစား စေချင် ပါတယ်။ ကိုယ့်ကို အာဏာပြတာ ဘယ်သူ ခံချင် ပါသလဲ။ ဒါဆို ကိုယ်တိုင်ကရော သူတပါးကို အာဏာ ပြသင့် ပါသလား။ ကိုယ့်ရဲ့ သွေးရင်းသားရင်း သားသမီး များကိုရော အာဏာနဲ့ ဖိနှိပ် ချုပ်ချယ် အမိန့်ပေး ဆုံးဖြတ်ပေးသင့် ပါသလား။

လူတိုင်းဟာ စိတ်သဘောထားချင်း တထပ်တည်း ကျဖို့ ခဲယဉ်းပါတယ်။ မိဘနဲ့ သား သမီး ဟာလဲ စိတ်ထား ချင်း တထပ်တည်း မကျနိုင်ပါဘူး။ မိဘဟာ အရင်ခေတ်မှာ မွေးဖွား ကြီးပြင်း ခဲ့တဲ့ အတွက် အရင်ခေတ်က သူ့ ပတ်ဝန်းကျင်က လူတွေနဲ့ ထိတွေ့ ဆက်ဆံ ခဲ့ရပြီး ရတဲ့ အတွေ့အကြုံနဲ့ သား သမီး က ဒီဘက်ခေတ်က သူ့ ပတ်ဝန်းကျင်က လူတွေနဲ့ ထိတွေ့ ဆက်ဆံခဲ့ရပြီး ရတဲ့ ဘ၀ အတွေ့အကြုံ ဖြေရှင်းပုံနည်းလမ်းချင်း မတူ နိုင် ပါဘူး။ မိဘက နိုင်ငံတကာ အတွေ့အကြုံ မရှိခဲ့ဘဲ သားသမီးက နိုင်ငံတကာ အတွေ့အကြုံ ရှိနေပြန် ရင်လဲ ပိုမတူ နိုင်ပါဘူး။ ကိုယ့် အတွေ့ အကြုံချင်း မတူနိုင်မှတော့ စိတ်သဘော ထားချင်း မတိုက်ဆိုင် တာဟာ အပြစ် မဟုတ်သလို ချို့ယွင်းချက်လဲ မဟုတ်ပါဘူး။ ဒါကို မိဘ လုပ်နေပြီး ကိုယ့်သားသမီး အပေါ်တောင် အာဏာ မတည်နိုင် ဘူးလား ဆိုတဲ့ စကားနဲ့ အာဏာရူးများဟာ သူတပါးလဲ ကိုယ့်လို အာဏာ ရှင် စနစ်ထဲ စီးမျော စေဖို့ သိသိနဲ့ ဖြစ်စေ ကိုယ်တိုင် မသိလိုက် ဘဲနဲ့ ဖြစ်စေ မြှောက်ပင့် သွေးဆောင် ဖြားယောင်း တတ်ပါ တယ်။

အာဏာရှင် ယဉ်ကျေးမှု ကို တည်ထောင်သူ များဟာ မိဘနဲ့သားသမီးကြားက ဆက်ဆံရေးကို အာဏာရှင် ဆန်နေအောင် အရင်ဆုံး စနစ်တကျ ဖန်တီး ယူပါတယ်။ ကလေးငယ် များဖြစ်တဲ့ သားသမီး များမှာ ကိုယ့်ရဲ့ အရင်းနှီးဆုံး အားကိုးရာ ဖြစ်တဲ့ မိဘများ အပေါ်တောင် ရင်းနှီး နွေးထွေးစွာ တိုင်ပင် ဆွေးနွေးခွင့် မရဘဲ အာဏာကို ကြောက် ရွံ့ နေကြ ရရင် သူတစိမ်း ဖြစ်တဲ့ တခြားလူများ ဆရာများနဲ့ အထက် လူကြီး များကို ဘယ်ပုံ ဘယ်နည်း နဲ့ တိုင်ပင် ဆွေးနွေး ရဲပါ့မလဲ။ ထက်မြက်တဲ့ လုပ်ဖော် ကိုင်ဖက် များနဲ့ရော လူရာ ၀င်ဝင် တိုင်ပင် ဆွေးနွေး ငြင်းခုန် ရဲပါတော့ မလား။ အဲလောက်ထိ သေချာ စေ့စေ့စပ်စပ် တွေးခေါ် သုံးသပ် ထားတာ ပါ။

ခံရသူ ဘယ်သူမှ မကြိုက်တဲ့ ဒီလို အာဏာရှင် ယဉ်ကျေးမှုကို သွတ်သွင်းရာမှာ အာဏာရူး များဟာ မြန်မာ နိုင်ငံမှာ နှစ်ထောင်ချီ အခြေတည် လာတဲ့ မြန်မာလူမျိုးများ အမြတ်နိုးဆုံး ကိုးကွယ်ရာ ဖြစ်တဲ့ ဗုဒ္ဓဘာသာ ယဉ်ကျေးမှုကို ခုတုံးလုပ် တလွဲ အသုံးချ လာခဲ့ ကြပါတယ်။ လက်ဦးဆရာ မည်ထိုက်စွာ ပုဗ္ဗာ စရိယ မိနဲ့ဖ ဆိုပြီး အနန္တော အနန္တ ငါးပါး ဂိုဏ်းဝင် မိဘ ဆရာတို့ကို ရိုသေ လေးစားတဲ့၊ ထို မိဘ ဆရာ တို့ကလဲ မြတ်စွာ ဘုရား ပြဆို ထားတဲ့ မိဘ ကျင့်ဝတ် ဆရာ ကျင့်ဝတ်တို့ကို
လေးစားလိုက်နာတဲ့ ရှေး မြန်မာ့ ဓလေ့ဟာ အလွန် ချစ်မြတ်နိုး လေးစားဖွယ် ကောင်း လှတာပါ။ ကျင့်ဝတ်ကို လေးစားစွာ အတိ အကျ လိုက်နာပြီး မေတ္တာ များတဲ့ ရှေးခေတ် မြန်မာ့ လူ့ဘောင် အဖွဲ့ အစည်းမှာ မိဘ ဆရာတို့ရဲ့ ပြောစကားကို တပည့် သားသမီး များက လိုက်နာ တာဟာ ဆင်ခြင်ဉာဏ်နဲ့ ပိုင်းခြား ဝေဖန် သုံးသပ် ရင်ကို လေးစား လိုက်နာ စရာ ကောင်း နေတဲ့ အတွက်ကြောင့် ဖြစ်ပါတယ်။ ဒါကို အခွင့်ကောင်းယူပြီး အာဏာရှင် များဟာ အာဏာရှင် စနစ် တည်မြဲဖို့ အခြေခံ အုတ်မြစ် ဖြစ်တဲ့ မိဘနဲ့သားသမီး၊ ဆရာနဲ့ တပည့် ထက်အောက် ဆက်ဆံရေးမှာ အာဏာရှင် စနစ်ရဲ့ မျိုးစေ့ကို ဘာသာရေး ခုတုံးလုပ် အသုံးချ စိုက်ပျိုး ခဲ့ပါတယ်။

ဒီလို ခုတုံး လုပ်ရာမှာလဲ သာသနာ့ ၀န်ဆောင် ရဟန်းတော် များရဲ့ စကားကို မုသာဝါဒ ကင်းပြီး သားမို့ ဝေဖန် ဆန်းစစ် စရာ မလိုတော့ ဘူးလို့ ယူဆ တတ် ကြတဲ့ ဒါယကာ ဒါယိကာမ တပည့်များ ရှိနေတာ သိတဲ့ အတွက် ကြောင့် သံဃာတု များကို မွေးထုတ် ဟော ပြော စေပါတယ်။ ဘုရားက တကယ် မဟောခဲ့တဲ့ စကား များကို ဘုရားက ဟောလေဟန် သာသနာတော်ကို ပူးသတ် ဖျက်ဆီးတဲ့ ဒီသံဃာတု များဟာ အာဏာရှင် များက မွေးထုတ် ထားတာ ခံရတာမို့ အာဏာရှင် များရဲ့ ထောက်ပံ့ မှုကို ရတဲ့ အတွက် ဘုန်းကြီး သယောင်၊ စည်းစိမ် အခြံအရံ များသယောင် ထင်မှတ် ရပါတယ်။ မိဘ စကား နားမထောင်ရင် ငရဲကြီးတယ်။ မိဘနဲ့ ဆရာဟာ အနန္တော အနန္တ ငါးပါး ဂိုဏ်းဝင်မို့ ပြန်ပြောရင် ဝေဖန်ရင် အပြစ် ဖြစ်တယ်။ အမေတို့ကလဲ ဆရာတို့ကလဲ ဆိုပြီး ကလဲ တပ်ပြီး ပြန်ပြော ရင်တောင် ငရဲ ကြီးတယ် စသဖြင့် ဘုရား မဟောတဲ့ စကားတွေကို ဘုရားဟော လုပ်ပြီး သာသနာဖျက် စကားများကို လက်ဆင့် ကမ်းခဲ့ ကြပါတယ်။ တကယ်က သုံးလောက ထွဋ်ထား ရှင် တော် မြတ်ဘုရားဟာ ငါ့စကားကိုတောင် ငါပြောတာမို့ ဆိုပြီး မျက်စိမှိတ် မယုံလိုက် ပါနဲ့ဦး ဝေဖန် စဉ်းစား သုံးသပ်လိုက် ပါဦးလို့ ကာလာမ သုတ်မှာ အတိအလင်း ဟောထား ပြီးသားပါ။ ဘုရားကတောင် ဝေဖန် ခံနိုင် ရင်၊ ဘုရားရဲ့ တရားကို ဝေဖန် သုံးသပ် လို့တောင် အပြစ် မဖြစ်ရင် မိဘ၊ ဆရာ တို့ရဲ့ စကားကို စဉ်းစား ဝေဖန် သုံးသပ်တာ အပြစ် ဖြစ်ပါ့မလား။

စဉ်းစားမှု အားနည်းပြီး ကိုယ့်ကိုယ်ကို အမွှန်းတင် ခံချင်တဲ့ ဘာသာရေး လိုက်စားမှု အားနည်းတဲ့ မိဘ ဆရာ များ အတွက် တပည့် သားသမီး များကို ဆုံးမ သွန်သင် ရာမှာ ဒီလို သံဃာတု တွေရဲ့ စကားဟာ သူတို့ အကြိုက် ဖြစ်နေခဲ့တာ မဆန်းပါဘူး။ ဒီနေရာမှာ ကြောက်ရွံ့ ထိတ်လန့် ဖွယ် အကောင်းဆုံးကတော့ သာသနာ ဖျက်သူ မိစ္ဆာဒိဌိ တစ်ယောက်ဟာ အ၀ီစိ ငရဲကို တိုက်ရိုက် ဆင်းရ ပါတယ်။ ဒီတော့ သာသနာဖျက် ရဟန်းတု သံဃာတုရဲ့ စကားကို လိုက်နာ ကျင့်သုံးသူ ဟာလဲ သာသနာဖျက် စာရင်း ၀င်ပါတယ်။ ကိုယ်တိုင်၊ တိုက်တွန်း၊ ချီးမွမ်း၊ စိတ်တူ သည်လေးလူ၊ တူတူ အကျိုးရ တတ်သည် ဆိုတဲ့ အတိုင်း ဒီ သာသနာဖျက် အာဏာရှင် စနစ် ရေစီးကြောင်းမှာ စီးမျော လိုက်ပါသူ အားလုံးဟာ တူတူ အကျိုးသက်ရောက် ခံကြရမှာ ဖြစ်လို့ အ၀ီစိ ငရဲကို တူတူ ဆင်းကြ ရမှာ ဖြစ်ပါတယ်။ ဒီတော့ ငါတကော ကောပြီး အာဏာ တည်လိုသူ မိဘ ဆရာများကို တပည့် သားသမီးများက ငရဲဆင်းခွင့် ပေးနိုင် ကြပါ့ မလား။ ဒီလို သံဃာတုကို ကိုးကွယ်မိလို့ တရားမှားတွေကို လိုက်နာ ကျင့်သုံး မိလို့ မိဘများ အပြစ်ဖြစ်ပြီး သေလွန်တဲ့ အခါ ဒီလို သံဃာတု တွေကိုပဲ ပြန်လည် ပင့်ဖိတ် သရဏဂုံ တင်မယ်ဆိုရင် အမျှ ပေးမယ် ဆိုရင် အမျှ ရကြ ပါ့မလား။ သံဃာတု ဒုဿီလ အလဇ္ဇီကို ပင့်ဖိတ် ဆွမ်းကျွေးလို့ ကုသိုလ်ကို အမျှပေးရင် ပေတ ဘ၀ ရောက်သူတို့ သာဓုခေါ်လို့ မရနိုင်၊ ကုသိုလ် ရဲ့ အဖို့ကို မရဘူးလို့ အဟော ရှိပါတယ်။ ဒီလိုဆို ဒီ သာသနာဖျက်တွေကို ဆက်လက် ရှင်သန်ခွင့် ပေးထားခြင်းဖြင့် မိဘဆရာများ သေလွန်လို့တောင် ဆွမ်းသွတ်လို့ ရနိုင်ပါ့မလား။ ဒီအဖြစ်ကြီးကို ဆက်လက် ရှင်သန်ခွင့် ပေးထား ကြမလား။
မြတ်စွာဘုရားက ဟောထားပါတယ်။ မိဘတို့ကို ၀ဲယာ ပုခုံး ၂ဖက်ပေါ် အမြဲတင်ပြီး တသက်ပတ်လုံး လိုလေ သေး မရှိ အလိုလိုက်ပြီး ပြုစု
စောင့်ရှောက်သူရဲ့ မိဘ ကျေးဇူး ဆပ်မှုကို အမြတ်ဆုံးလို့ ငါဘုရား မဟောသေး.. သားသမီးများသည် သဒ္ဓါတရား နည်းသေးသော မိဘတို့ကို သဒ္ဓါ တရား ရှိလာအောင်၊ သီလ နည်းသေးသော မိဘတို့ကို သီလ ဆောက်တည် လာအောင်၊ ဘာဝနာ တရား အားထုတ်မှု မပြုရသေးသော မိဘတို့ကို ဘာဝနာ တရား အားထုတ် ပြုကျင့်လာအောင် မဂ္ဂင် ၈ပါး
လမ်းကြောင်းမှန်ပေါ် မရောက်သေးသော မိဘတို့ကို လမ်းကြောင်းမှန်ပေါ် ရောက်အောင် တင်ပေး နိုင်ငြားအံ့ ထိုသားသမီး၏ မိဘ ကျေးဇူး ဆပ်နည်းကို အမြင့်မြတ် ဆုံး မိဘ ကျေးဇူး ဆပ်နည်းဟု ငါဘုရားဟော၏ လို့ အတိအလင်း မိန့်ဆို ထားပါတယ်။ ဒီနေရာမှာ မိဘကို ပြန်ပြီး ဆရာလုပ်လို့ ငရဲကြီးတယ်လို့ ဘုရား မဟောတာ သိသာပါတယ်နော်။

ဒါကြောင့် မိဘနဲ့ သားသမီးကြားက ဆက်ဆံရေး နွေးထွေး အဆင်ပြေမှုကို ခွဲခြား ဖြတ်တောက် နေတဲ့ အာဏာ ရှင် ဆန်လိုမှု ဆိုတဲ့ အာဏာပြခြင်းကို မွေးထုတ်ပေး နေတဲ့ အာဏာရှင် ယဉ်ကျေးမှုကို တွန်းလှန် ကြဖို့ လိုနေ ပါပြီ။ အချိန် မလင့် မဖင့်မနှေးစေဘဲ အမြန်ဆုံး တွန်းလှန် အမြစ်ဖြတ် ကြပါစို့ရှင်။

မိုးသောက်နေ

No comments: